Beynəlxalq Respublikaçılar İnstitutunun Azərbaycandakı nümayəndələri “İRƏLİ” İctimai Birliyinin mərkəzi qərargahında olmuşdur
9 september 2009
9 Sentyabr 2009-cu il tarixində Beynəlxalq Respublikaçılar İnstitutunun Azərbaycan nümayəndəliyinin rəhbəri Ceyk Cons və Beynəlxalq Respublikaçılar İnstitutunun Qafqaz bürosunun rəhbəri Presston Lindler “İRƏLİ” İctimai Birliyinin mərkəzi qərargahında olmuşlar.
Görüşdə “İRƏLİ” İctimai Birliyinin sədri Ceyhun Osmanlı və birliyin idarə heyətinin üzvü Ramiz Məmmədli iştirak etmişlər.
Ceyhun Osmanlı ilk öncə qonaqları “İRƏLİ” İctimai Birliyinin fəaliyyəti ilə yaxından tanış etmişdir. Görüş zamanı Beynəlxalq Respublikaçılar İnstitutunun qarşıdakı 3 ildə Azərbaycanda gözlənilən yeni proqramları zamanı hansı məsələlərə xüsusi diqqət göstərilməsi, qarşıdaduran növbəti prioritetlərin müəyyən olunmasına dair fikir mübadiləsi aparılmışdır. Bununla yanaşı, qonaqlar Azərbaycanın gənclər sahəsində qarşılıqlı əməkdaşlıq doğuran məsələləri də qeyd etmişlər.
__________________________
Həmçinin baxın:
