Parisin mərkəzi küçələrində Xocalı soyqırımına həsr olunmuş aksiyalar başlayır
26 february 2010
Bildiyiniz kimi, “İRƏLİ” İctimai Birliyi Avropanın müxtəlif ölkələrində Xocalı Soyqırımı ilə əlaqədar aksiyalar keçirir.
Planlaşdırılarn növbəti aksiya 26 fevral saat 9-00-dan 13-00-a qədər Parisin Pol Klodel meydanında (Senat yaxınlığında) “İRƏLİ” İctimai Birliyinin və Azərbaycan Fransız Gənclik təşkilatının və Fransadakı Azərbaycan səfirliyinin təşkilatçılığı ilə keçirilir. Hədəf Fransız senatını məsələdən agah etmək və onun gələcək iclaslarında Xocalı faciəsini müzakirələrə çıxarmaqdır.
Aksiya Fransanın Tuluz, Strasburq, Nant, Bezanson, Marsel, Nansi, Lyon, Paris və s. kimi 10-a yaxın fransız şəhərlərindən Parisə toplanan 150 - ə qədər gəncin iştirakı ilə keçiriləcəkdir.
Aksiya iştirakçıları üçün “İRƏLİ” İctimai Birliyi tərəfindən xüsusi köynəklər və aksiyada istifadə ediləcək şüarları əks etdirən posterlər hazırlanmışdır. Tədbirdə istifadə olunacaq kitablar və broşuralar Heydər Əliyev Fondu tərəfindən təqdim edilmişdir. Bu ilki aksiyanın daha fərqli xüsusiyyətlərin biri də daha çox gənci əhatə etməsi və və çox sayda Fransada təhsil alan xarici tələbələrin iştirakının təmin edilməsidir. Aksiya zamanı Erməni terrorizminə, Xocalı Soyqırımına Fransa ictimaiyyətinin və beynəlxalq təşkilatların diqqətinin cəlb edilməsi və Fransa Senatının Xocalı Soyqırımını tanıması məqsədi ilə şüarlar səsləndiriləcəkdir.
Aksiya bitdikdən dərhal sonra, aksiya iştirakçıları müxtəlif qruplara ayrılaraq Parisin bir neçə yerli əhalinin daha çox olduğu yerlərdə yerli ictimaiyyətin nümayəndələrinə Xocalı qətliamının reallıqlarını və Erməni vəhşiliklərini özündə əks etdirən kiçik kitabçalar və bukletlər paylayacaqdır.
Bundan əlavə, Aksiyanın kütləvi informasiya vasitələrində işıqlandırılması üçün Fransada onlarla televiziya və radio qurumlarına, müxlətif elektron informasiya agentliklərinə və qəzetlərə məlumat verilmişdir.
Aksiya dinc xarakter daşıyaraq, nəzərdə tutulmuş yerdə meqofonla şüarların deyilməsi, traktların və kitabların insanlara paylanması və sonda bəyannamənin Senata verilməsi ilə bitəcəkdir.
Aksiya zamanı milli bayraqlarımızla yanaşı fransız bayraqları dalğalanacaqdır. Məqsəd, fransız xalqının fikrini milli problemlərimizə yönəldərək, onları bu məsələdən agah etməkdir.
Əlavə məlumat üçün “İRƏLİ” İctimai Birliyinin Fransadakı təmsilçisi Aydın Məmmədova (+33 69 892 24 84) müraciət edin.
__________________________
Həmçinin baxın:
Parisin mərkəzi küçələrində Xocalı soyqırımına həsr olunmuş aksiyalar başlayır - Mediada
