“Milli diskussiyalar” layihəsi çərçivəsində növbəti qış debatları
15 december 2009
Bildiyiniz kimi, “İRƏLİ” İctimai Birliyi tərəfindən “Milli Diskussiyalar” adlı layihə həyata keçirilir. Layihə çərçivəsində Qış, Yaz və Payız Debatları keçirilmişdir. Debatların mövzuları “Milli Elita”, “Biz Avropalıyıqmı ?” və “ABŞ: Yaxın tərəfdaş, strateji müttəfiq və ya sadəcə super güc ?” olmuşdur. Layihənin davamı olaraq növbəti diskussiyalar Qış Debatları adı altında gerçəkləşir. Debat “Biz kitab oxuyuruqmu ?” mövzusunda keçirilmişdir.
Debat 15 Dekabr 2009-cu il tarixində, saat 11:00-da Azərbaycan Respublikası Prezidenti yanında Strateji Araşdırmalar Mərkəzində baş tutmuşdur. Debatda qonaq qismində “Ali və Nino” kitab mağazaları şəbəkəsinin rəhbəri Nigar Köçərli, “525-ci qəzet”in baş redaktoru Rəşad Məcid, Xəzər Universitetinin rektoru Hamlet İsaxanlı, “News.az” xəbər saytının direktoru Elnur Baimov və teleaparıcı Nərgiz Cəlilova iştirak etmişər. Bundan əlavə, tədbirə 100 nəfər fəal gənc də dəvətli idi. Mövzu ətrafında maraqlı diskussiya keçmişdir.
